Ikatz aktiboko iragazkietan adsortzio- eta desortzio-prozesuak aztertzea funtsezkoa da edateko uraren tratamenduan kutsatzaileen deuseztapena ulertzeko eta optimizatzeko. Hala ere, zenbait kutsatzailek efluentean kontzentrazio hain txikiak dituztenez, zaila da horiek aztertzea, eta plantako eskalan dopajeak erabiltzea ekonomikoki bideraezina izango litzateke. Muga horiek gainditzeko, laborategi-eskalako zutabe azkarrak erabiltzea proposatzen da (RSSCT). Ikuspegi horri esker, eskala eta kostu txikiagoko adsortzio- eta desortzio-prozesuen emaitza adierazgarriak lor daitezke, EUTEetako ikatz aktiboko iragazkien baldintzak modu maneiagarrian eta ekonomikoki bideragarrian simulatuz.
AGOCABB II proiektua AGOCABB I proiektuaren jarraipena da, aldez aurretik CATABBren instalazioetan garatutakoa. Fase berri honetan, zutabe azkarren sistema Venta Altako EUTEan instalatuko da. Bertan ikatz aktiboaren agortze-prozesua aztertuko da, hainbat parametro aztertuz, besteak beste: trihalometanoak (THM), karbono organiko totala (TOC) eta UV absorbantzia. Proiektuaren helburu nagusiak honako hauek dira: Etxebarriko instalazio pilotuan erabilitako RSSCT zutabeen diseinua hobetzea, ASTM D6586-03 arauaren arabera garbiketa- eta harrotze-prozesuak optimizatzeko, denbora-eskala handiagoko konfigurazio operatiboen eragina ebaluatzea eta konfigurazio eraginkorragoak garatzea, tratatu beharreko ur-motaren arabera.